![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Partia Socialiste ka zyrtarizuar sot kandidatin kryesor për zgjedhjet në Kavajë, në një kohë që ka mbetur afro 1 muaj nga data e zgjedhjeve.
Kështu, Klodian Shehi, nënkryetari aktual i Bashkisë Kavajë, është shpallur zyrtarisht si kandidati i Partisë Socialiste për kryebashkiak të Kavajës, në zgjedhjet që do të zhvillohen më 7 maj.
Ai njihet si një nga bashkëpunëtorët më të afër të ish-kryetarit, Elvis Rroshi.
Shehi do të garojë për vendin e lënë bosh nga ish-kryebashkiaku socialist Elvis Rroshi, që e rrëzoi nga posti ligji i dekriminalizimit.
Partia Demokratike dhe aleatët e saj kanë konfirmuar në mbledhjen e sotme qëndrimin zyrtar të tyre për mosregjistrimin në Komisionin Qendror të Zgjedhjeve për zgjedhjet e 18 qershorit.
Sipas kreut të opozitës Lulzim Basha, ky vendim do të qëndrojë deri në arritjen e një pakti politik për krijimin e qeverisë teknike që do të sigurojë zgjedhje të lira.
Veç kësaj, e koalicioni opozitar do të ngrihet në një protestë masive kombëtare në Kavajë, pikërisht në ditën e zgjedhjeve për kryebashkiakun e Kavajës.
Nga ana tjetër, Lëvizja Socialiste për Integrim do të jetë pjesë e këtij procesi zgjedhor vetëm përmes anëtarëve të KZAZ-së.